Raaz Ulfat Chupa Ke Dekh Liya

ROMAN VERSION

Raaz-e-ulfat chupa ke dekh liya
dil bahut kuch jala ke dekh liya

aur kiya kehne ko baqi hae
aap se dil laga ke dekh liya

woh mere ho ke bhi mere na hue
unko apna bana ke dekh liya

aaj unki nazron mein kuch hum ne
sab ki nazren bacha ke dekh liya

faiz takmeel-e-gham bhi ho na saki
ishq ko aazma ke dekh liya 

Poet : Faiz Ahmad Faiz

Shared By
Admin

URDU SHAYARI

• Tweet
• Share
• Share
• Share
• Share