Sar Jhukaogay Tu Pathar Bhi Devta Ho Jayega

Sar Jhukaogay Tu Pathar Bhi Devta Ho Jayega

Sar jhukaoge to patthar devta ho jayega
Itna mat chaaho ussey woh bewafah ho jayega

Hum bhi darya hain humein apna hunar maloom hai
Jis taraf bhi chal padega raasta ho jayega

Kitni sacchai se mujh se zindagi ne keh diya
Tu nahin mera toh koi dusraa ho jayega

Main Khuda ka naam le kar pi raha hoon doston
Zeher bhi iss mein agar hoga toh dawaa ho jayega

Sab usi ke hain hawa, khushboo, zameen-o-aasmaan
Main jahaan bhi jaungaa, uss ko pataa ho jayega.
                                                                        - Bashir Badr.

 

TRANSLATED:-

Revere a stone and it becomes a God
Never cling to it, else it abandons you

But my life is verily a river, i know,
Paths will be made when my merits flow

Life admits the truth when I hear it say
You might not yield to me; some one else may

But I take a draught in the name of my God
Any poison it holds will turn to cure

It is His, this air, this scent, this earth and sky;
Wherever I go, He will not fail to descry.

Poet : Bashir Badr

Shared By
Admin

P3INCE  H@MM@D

Ana Meri Qabar Par Do Phool Carha Jana

Ana Meri Qabar Par Do Phool Carha Jana

 

Versions 

    Aana meri qabar par do phool chadha jana,

    Rona na aaye muskarake chale jana,

    Meri qabar par ek baar zaroor aana,

    Magar shart hai k aansoon na bahana,

    Taklif hogi ro0oh ko bhi aansoon jo aap k nikalenge,

    Rooh royegi meri rooh ko na tadpaya karna,

    Tere khuwabon main aaya karon zaroor,

    Kabhi yaad karke meri mohabbat ko azmaya karna,

    Meri qabar pe phool na chadhana aansoovon ke,

    Bas aakar qabar pe apni mohabbat ka saya karna,

    Meri dua hai k tera ghar khusboo se bhara rahe,

    Tum khushi ki har mehfil main jaya karna,

    Meri yaad main na khona udaas hokar,

    Apne humsafar ki aagosh main sojaya karna,

    Kabhi rokar mat pukarna mujhe,

    Main wanha se wapis nahi avunga

Another Version 

 

Poet : Mohsin Naqvi

Shared By
Admin

P3INCE  H@MM@D

 

Gumnaam Dayaaron Mein Safar Kiun Nahee Kartay

Gumnam Dayaaron Main Safar Kyun Nahi Kartay 

 

Gumnaam Dayaaron Mein Safar Kiun Nahee Kartay ?

Ujray Howay Loogon Pe Nazar Kiun Nahee Kartay ?

Ye Khwaab Ye Khushion Bharay Hanstay Howay Ye Khwaab

Ye Khwaab Mere Dil Pe Asar Kiun Nahee Kartay ?

Khwaahish Ke, Tamaaniat-e-Ehsaas Ke Panchi

Kuch Roz Mere Ghar Mein Basar Kiun Nahee Kartay ?

Subhon Se Hain Maghloob Tou Phir Zaim Kaisa Hai ?

Raaton Pe Hain Ghalib Tou Seher Kiun Nahee Kartay ?

Ye Loog Musalsal Hain Jo Ik Khauf Ke Qaidi

Is Khauf Ki Deewaar Mein Dar Kiun Nahee Kartay ?

Kiun Aap Uthaatay Ho Udaasi Ke Ye Asbaab ?

Shaamon Ke Ghulaamon Ko Khabar Kiun Nahee Kartay

Shared By
Admin

P3INCE  H@MM@D

 

Seher Ki Dhoop Se Pochain Kabhi Gaon Walay

Seher Ki Dhoop Se Pochain Kabhi Gaon Walay

 

Roman

 Sheher ki dhoop se poochain kabhi gao'n walay
Kia huay log wo zulfo'n ki ghatao'n walay
Ab k basti nazar aati nahi ujri galiya'n
Aao dhoondain kahin darwaish duao'n walay

Sangzar'n Main Mere Sath Chalay Aye Thay

Kitne Sadah Thay Wo Blor Se Pao'n Walay

Hum ne zarro'n se tarashay teri khatir suraj
Ab zamee'n per bhi uter zard khalao'n walay

Kia charagha'n tha muhabbat ka k bujhta hi na tha
Kaisy mosam thy wo pur shor hawao'n walay

Tu kahan tha mery khaliq k mery kaam aata
Mujh pe hansty rahy pathar k khudao'n walay

Hont see kar bhi kahan baat bani hai 'Mohsin'
Khamoshi k sabhi taewar hain sadao'n walay. .

 

Urdu

شہر کی دھوپ سے پوچھیں کبھی گاؤں والے
کیا ہوئے لوگ وہ زلفوں کی گھٹاؤں والے

اب کے بستی نظر آتی نہیں اُجڑی گلیاں
آؤ ڈھونڈیں کہیں درویش دعاؤں والے

سنگزاروں میں مرے ساتھ چلے آئے تھے
کتنے سادہ تھے وہ بلّور سے پاؤں والے

ہم نے ذرّوں سے تراشے تری خاطر سورج
اب زمیں پر بھی اتر زرد خلاؤں والے

کیا چراغاں تھا محبت کا کہ بجھتا ہی نہ تھا
کیسے موسم تھے وہ پُر شور ہواؤں والے

تُو کہاں تھا مرے خالق کہ مرے کام آتا
مجھ پہ ہنستے رہے پتھر کے خداؤں والے

ہونٹ سی کر بھی کہاں بات بنی ہے محسن
خامشی کے سبھی تیور ہیں صداؤں والے

 
Poet : Mohsin Naqvi

Shared By
Admin

P3INCE  H@MM@D

 

Likhna Nahi Ata Tu Meri Jan Parha Kar

Likhna Nahi Ata Tu Meri Jan Parha Kar

Likhna Nahin Aata To Meri Jaan Parha kar 

Likhna Nahin Aata To Meri Jaan Parha kar

Ho Jaye Gi Mushkil Teri Aasaan Parha kar

 

Parhne k Liye Tujh ko Agar kuch Na Mile To 

Chehron pe Likhe Dard k Unwaan Parha kar 

 

Laraib Teri Rooh ko Taskeen Mile Gi 

Tu Karb k Lamhaat Main Quran Parha kar 

 

Paida Ho Tere Behr ki Moujon Main Talatum 

Tu Hasti E Iqbal k Dewaan Parha Kar 

 

Aa Jaye Ga "IQBAL" Tujhe  Jeeney Ka Qareena 

Tu Sarvar-E-Kounain (S.A.W.W) k Farmaan Parha kar

 

 Poet : Allama Iqbal

Shared By
Admin

P3INCE  H@MM@D

 

Khamosh Rahon Main Tera Sath Cahiye

Khamosh Rahon Main Tera Sath Cahiye

Khamosh Rahon Main Tera Sath Cahiye

Tanha Hai Mera Hath Tera Hath Cahiye

 

 Mujhko Apne Muqadar Pe Itna Tu Yaqeen Hai

Ke Tujhko Mere Lafz aur Meri Bat Cahiye

Ehsas e Mohabbat Tu hai Tere Liye magar

 Junoon e Ishq ko Teri Har Soghat Cahiye

 

Tu Mujhe Pane Ki Khuwahish Tu Rakhta hai
Magar Mujhe Jeenay ke Liye Aik Mulaqat Cahiye

 

Shared By
Admin

P3INCE  H@MM@D

 

Ankhon Main Raha Dil Main Utar Kar Nahi Dekha Full Poetry

Ankhon Main Raha Dil Main Utar Kar Nahi Dekha

Mukamal Ghazal

Aankhon mein raha dil mein utar kar nahin dekha, kashti ke musaafir ne samandar nahin dekha.

 

Bewaqt agar jaaunga sab chonk padenge, ek umar hui din mein kabhi ghar nahin dekha

Jis din se chala hun meri manzil pe nazar hai, aankon ne kabhi meel ka patthar nahin dekha.

 

Ye phool mujhe koi wiraasat mein mile hain,

tum ne mera kaanton bhara bistar nahin dekha

yaron ki mohabbat ka yaqeen kar liya mainay 

Pholon main chupa huwa khanjar nahi dekha

 

 Mehboob ka Ghar ho ke buzrgon ki zameenain 

Jo Chor Diya phir usay Mur kar Nahi Dekha 

Khat aysa Likha hai ke Nagenay se Jaray Hain 

Lekin hathon ne kabhi koi Zewar Nahi Dekha 

Pathar Mujhe Kehta hai Mera Cahnay Wala 

Main Moum hn Is ne Mujeh Cho kar nahi Dekha

Wo mere Masail Ko Smjh Hi Nahi Saka

Jis ne Meri Ankhon Main Samandar Nahi Dekha 

 

Shared By
Admin

P3INCE  H@MM@D

 

Yeh Bahar Ka Zamana Yeh Haseen Gulon Ke Saye

Yeh Bahar Ka Zamana Yeh Haseen Gulon Ke Saye

Ye bahaar ka zamana ye haseen gulon ke saaye
Mujhay darr hai baaghban ko kahin neend na aa jaye

tere jhoot pe kahan tak mera dil fareeb khaye
koi aysa baahana kar ke meri aas hi toot jaye

Teri saazish-e-tawajjuh ye nahin tu aur kya hai
Main jahan chala samnbhal kar wahin paaon dagmagaye,


Khilay ab ke gulistaan main gul-e-naamuraad aisay
Na bahaar hi ne pocha na khizaan ke kaam aye


Main chala maikhany jahan koi gham nahi
jisay dekhni ho janat mere sath sath aye



Ye bahaar ka zamana ye haseen gulon ke saaye
Mujhay darr hai baaghban ko kahin neend aa na jaye

Shared By
Admin

P3INCE  H@MM@D

 

Aik Lafz e Muhubbat Ka Adna Sa Fasana Hai Full Poetry

Aik Lafz e Muhubbat Ka Adna Sa Fasana Hai

Mukamal Ghazal

 

ek lafz-e-mohabbat ka adna sa fasana hai
Simtay to Dil-e-Aashiq phelay to zamana hai

Yeh kis ka tasawwar hai yeh kis ka fasana hai
Jo ashk hai aankhon mei Tasbeeh ka danaa hai

Hum ishq ke maaron ka itna he fasana hai
Rone ko nahe koi hansne ko zamana hai

Woh aur Wafa-Dushman manenge na mana hai
Sab dil ki shararat hai aankhon ka bahana hai

Kia husn ne samjha hai kia ishq ne jana hai
Hum Khaak-Nasheenon ki thokar mei zamana hai


masoom si mohabbat ka bus itna sa fasana hai..
kagaj ki haveli hai, baarish ka zamaana hai..

kya shart-e-mohabbat hai, kya shart-e-zamana hai..
awaz bhi jakhmi hai aur wo geet bhi gana hai..

uss par utrne ki umeed bahut kam hai..
kashti bhi puraani hai, tufaan ne bhi aana hai..

samajhe ya na samjhe wo andaaz-e-mohabbat ka..
bheegi hui ankho se ek sher sunaana ha


Aansu to bahot se hain ankhon mein 'Jigar' lekin
bindh jaaye so moti hai rah jaaye so daana hai

Woh Husn-o-Jamal un ka yeh Ishq-o-Shabab apna
Jeene ki tamanna hai marnay ka zamana hai

Ya woh thay Khafa hum se ya hum thay Khafa un se
Kal un ka zamana tha aaj apna zamana hai


Aankhon mei nami si hai Chup-Chup se woh baithe hain
Nazuk si nigahon mei nazuk sa fasana hai

Hai Ishq-e-Junoo'n pesha haan Ishq-e-Junoo'n pesha
Aaj eik sitamagar ko hans hans k rulana hai

Yeh ishq nahe aasaa'n itna to samajh lijye
Ik aag ka dariya hai aur Doob k jana hai...... 

Poet : Jigar Moradabadi

 

                                                                 Shared By

Admin

P3INCE  H@MM@D

Dono Jahan Teri Muhubbat Main Har Ke

Dono Jahan Teri Muhubbat Main Har Ke

dono jahan teri mohabbat main har ke

wo ja raha hai koi shab-e-gam guzar k

viran hai maikada khum-o-sagar udas hai 

tum kya gaye k ruth gaye din bahar k

ik fursat-e-gunah mili, wo bhi char din 

dekhe hain ham ne hausale parvar-digar k

duniya ne teri yad se begana kar diya 

tujh se bhi dil fareb hain gam rozagar k 

bhule se muskura to diye the wo aj 'Faiz' 

mat puch val-vale dil-e-na-kardakar k

Poet : Faiz Ahmad Faiz

Shared By
Admin

P3INCE  H@MM@D

 

Mil Kar Juda Huway Tu Na Soya Karaingay Hum

Mil Kar Juda Huway Tu Na Soya Karaingay Hum

 

mil kar judā hue to na soyā kareñge ham

 ik dūsre kī yaad meñ royā kareñge ham 

aañsū jhalak jhalak ke satā.eñge raat bhar 

motī palak palak meñ piroyā kareñge ham 

jab dūriyoñ kī aag diloñ ko jalā.egī 

jismoñ ko chāñdnī meñ bhigoyā kareñge ham 

bin kar har ek bazm kā mauzū-e-guftugū 

sheroñ meñ tere ġham ko samoyā kareñge ham 

majbūriyoñ ke zahr se kar leñge ḳhud-kushī 

ye buzdilī kā jurm bhī goyā kareñge ham 

dil jal rahā hai zard shajar dekh dekh kar 

ab chāhatoñ ke biij na boyā kareñge ham 

gar de gayā daġhā hameñ tūfān bhī 'qatīl' 

sāhil pe kashtiyoñ ko Duboyā kareñge ham 

 

Poet : Qateel Shifai

Shared By
Admin

P3INCE  H@MM@D

 

 

Phool Hain ke Khar Hain Hum Loog

Phool Hain ke Khar Hain Hum Loog

 

پھول ہیں یا کہ خار ہیں ہم لوگ
آبروئے بہار ہیں ہم لوگ

ہیں اسی اعتبار پر زندہ
زیست کا اعتبار ہیں ہم لوگ

ختم ہونے کو ہے حرارتِ زیست
اختتامی شرار ہیں ہم لوگ

منزلوں کی نوید جان ہمیں
راستوں کا غبار ہیں ہم لوگ

کیسی عجلت ہے‘ کیسی جلدی ہے
کیوں ہوا پر سوار ہیں ہم لوگ

سوچ سکتے ہیں‘ کر نہیں سکتے
کتنے بے اختیار ہیں ہم لوگ

عکس بننے بچ نہیں سکتے
آئنوں کا شکار ہیں ہم لوگ

صرف کتبے نہیں ہیں چہروں پر
حسرتوں کے مزار ہیں ہم لوگ

کوئی سنتا نہیں توجہ سے
مفلسی کی پکار ہیں ہم لوگ

دیکھیے تو بس ایک دو ہیں ہم
سوچیے تو ہزار ہیں ہم لوگ

اس کو دیکھا تھا ایک بار فصیحؔ
آج تک بے قرار ہیں ہم لوگ

   

  Poet : Shaheen Fasih Rabbani

Shared By
Admin

P3INCE  H@MM@D

 

 

Thokar Lagi Tu Koi Sahara Nahi MIla

Thokar Lagi Tu Koi Sahara Nahi MIla

  

ٹھوکر لگی تو کوئی سہارا نہیں ملا
بھٹکے تو آسماں پہ ستارا نہیں ملا

اُٹھ آتے اُس کی بزم سے‘ تھا حوصلہ مگر
اُس کی طرف سے کوئی اشارہ نہیں ملا

مخدوش بادبان تو کشتی ہوئی تباہ
اور بحرِ زندگی کا کنارا نہیں ملا

تنہائیوں کے دشت میں گم ہو کے رہ گئے
کرتے بھی کیا کہ ساتھ تمہارا نہیں ملا

کروٹ ذرا جو وقت نے بدلی تو اے غنیم؛
پھر صفحئہ حیات پہ دارا نہیں ملا

ہاتھوں سے ایک بار جو نکلا تو پھر فصیحؔ
وہ لمحہ زندگی میں دوبارہ نہیں ملا

 

Poet : Shaheen Fasih Rabbani 

Shared By
Admin

P3INCE  H@MM@D

 

  

Chupaye Dil Main Ghamon Ka Jahan Bethay Hain

Chupaye Dil Main Ghamon Ka Jahan Bethay Hain

 

chupaye dil mein gamon ka jahan baithe hain
tumhari bazm mein ham bezaban baithe hain

ye aur bat k manzil pe ham pahunch na sake
magar ye kam hai k rahon ko chan baithe hain

fugan hai dard hai soz-o-firaq-o-dag-e-alam
abhi to ghar mein bahut mehrban baithe hain

ab aur gardish-e-taqdir kya satayegi
luta k ishq mein nam-o-nishan baithe hain

wo ek lafz-e-mohabbat hi dil ka dushman hai
jise shariat-e-ehsas man baithe hain

hai maikadon ki baharon se dosti 'Sagar'
baraye had-e-yaqin-o-guman baithe hain

Poet : Saghir Siddiqui

Shared By
Admin

P3INCE  H@MM@D

 

Kabhi Kisi Ko Muaqamal Jahan Nahi Milta

Kabhi Kisi Ko Muaqamal Jahan Nahi Milta

Kabhi kisi ko mukammal jahaan nahi milta

Kabhi kisi ko mukammal jahaan nahi milta

Kahin zami to kahin aasmaa nahi milta

Kabhi kisi ko mukammal jahaan nahi milta

Jise bhi dekhiye wo apne aap mein gum hai

jise bhi dekhiye wo apne aap mein gum hai

Zubaa mili hai magar hum zubaa nahi milta

Zubaa mili hai magar hum zubaa nahi milta

Kabhi kisi ko mukammal jahaan nahi milta

Bujhaa saka hai bhala kaun waqt ke shole

Bujhaa saka hai bhala kaun waqt ke shole

Ye aisi aag hai jisme dhunaa nahi milta

Ye aisi aag hai jisme dhunaa nahi milta

Kabhi kisi ko mukammal jahaan nahi milta

Tere jahaaN mein aisa nahi ke pyaar na ho

Jahaa ummeed ho iski vahaaN nahi milta

Jahaa ummeed ho iski vahaaN nahi milta

Kabhi kisi ko mukammal jahaan nahi milta

Kahin zami to kahin aasmaa nahi milta

Anohter Version or Original Version

Kabhi kisi ko mukammal jahaan nahin milta,
kahin zameen toh kahin aasmaan nahin milta.

Tamaam shehar mein aisa nahin khuloos na ho, jahan umeed ho iss ki wahan nahin milta.

Kahan charaagh jalaayen kahan gulaab rakhen, chhaten toh milti hain lekin makaan nahin milta.

Ye kya azaab hai sab apne aap mein gum hain, zubaan mili hai magar hum-zubaan nahin milta.

Charaagh jalte hain beenaai bujhne lagti hai, khud apne ghar mein hi ghar ka nishaan nahin milta. !!

– Nida Fazli

Shared By
Admin

P3INCE  H@MM@D