Main Samundar Tha Mujhe Chain Se Rehnay Na Diya

MAIÑ SAMUNDAR THĀ MUJHE CHAIN SE RAHNE NA DIYĀ

ḲHĀMUSHĪ SE KABHĪ DARIYĀOÑ NE BAHNE NA DIYĀ

APNE BACHPAN MEÑ JISE SUN KE MAIÑ SO JAATĀ THĀ

MERE BACHCHOÑ NE VO QISSA MUJHE KAHNE NA DIYĀ

KUCHH TABĪ.AT MEÑ THĪ ĀVĀRA MIZĀJĪ SHĀMIL

KUCHH BUZURGOÑ NE BHĪ GHAR MEÑ MUJHE RAHNE NA DIYĀ

SAR-BULANDĪ NE MIRĪ SHAHR-E-SHIKASTA MEÑ KABHĪ

KISĪ DĪVĀR KO SAR PAR MIRE DAHNE NA DIYĀ

YE ALAG BAAT KI MAIÑ NUUH NAHĪÑ THĀ LEKIN

MAIÑ NE KASHTĪ KO ĠHALAT SAMT MEÑ BAHNE NA DIYĀ

BAAD MERE VAHĪ SARDĀR-E-QABĪLA THĀ MAGAR

BUZ-DILĪ NE USE IK VAAR BHĪ SAHNE NA DIYĀ 

 

Poet :   Azhar Inayati

Shared By
Admin

URDU SHAYARI